المبيدات الموصى بها لـ مكافحة حشائش القمح

ناشد د. محمد علي فهيم - مستشار وزير الزراعة واستصلاح الأراضي - المزارعين الراغبين في زراعة محصول القمح بسرعة زراعة المحصول. 

وأوصى "فهيم" المزارعين المتأخرين في زراعة المحصول زراعة هذه الأصناف: 

1- أصناف مصر 3 

2- سخا 95  لأنهما أصناف مبكرة النضج. 

وأوضح مستشار وزير الزراعة إمكانية نقع التقاوي في مياه ( صرف زراعي به نسبة ملوحة لمدة 15 – 20 دقيقة ) قبل الزراعة بيوم عشان لتحضيرها بسرعة نظرا لبرودة الطقس.

الناس متعودة تروي الرية دي على 40-45 يوم ... بس انت كده بتأخر الرية الأولى عشان تخلى النباتات تفرع وتعمل شبكة جذور كويسه مش كده ؟ ..  بس بتعطل الزرع كتير ... اما لما تقرب رية التشتية وتدي فسفور كويس النبات هيفرع بدري ويعمل شبكة جذور بدري ويعمل نمو خضري أقوى من الحالة الاولى ويخش فى الطرد بقوة وحبوب ممتلئة، لذلك في معظم الحالات لا يجب تأخير رية المحاياه (التشتية) وتكون ما بين 23 – 27  يوم من الزراعة عدا لو نزل مطر أو للأرض اللى بتمسك الميه ... الخ 

وضيف 10- 12 لتر حامض فسفوريك 80% أو منقوع السوبر فوسفات مع الري لزيادة تنشيط الجذور في ظروف نقص التهوية بسبب تشبع الأرض بالرطوبة أو بسبب انخفاض الجو ليلاً. 

قبل رية المحاياة يمكن رش مبيدات الحشائش 

الحشائش  للعريضة

 (جعضيض - سلق - جرو ...الخ) - الرش جيروستار 75% أو اونوستار 75% بمعدل 8 جم للفدان أو دربي 17.5% بمعدل 30 سم للفدان أو برومينال دبليو 24% بمعدل 1 لتر للفدان.

الحشائش الحولية

 الرش بمبيد اطلانتس 1.2% بمعدل 400 سم للفدان أو مبيد بلاس 4.5 % بمعدل 160 سم للفدان.

الحشائش النجيلية الحولية

 الرش مبيد افالنش 40% بمعدل 250 جم للفدان أو يمكن استخدام مبيد  اكويبك سوبر 24% بمعدل 100 سم للفدان بعد شهر من رية المحاياة ..أو اكسيال أو وان تاتش او هربينو ... الخ.

   حشيشة الصامة

 - الرش بمبيد بوكسر جولد 92% بمعدل 1 لتر للفدان.  

منقوع_السوبر هو:

( 6 ك سوبر في 20 لتر ماء ويتم التقليب لمدة يوم كامل وبعدين يتاخد الرايق ويتحط فى برميل مع الري  +   2  ك فولفيك   + نص ك حامض الستريك ( ملح الليمون).